「埋嚟揀，埋嚟睇，唔睇你走雞」，網上帶貨如果靠呢句，貨品必定送到堆填區！「帶貨」熱潮盛行，藝員如有帶貨潛質，隨時闖出新錢途！八位藝人化身「星級Top Sales」，向現場的顧客團及經銷商推廣，邊賺實戰經驗邊檢討！點止Sell貨咁簡單？比拼節目亦考驗各人的銷售準備，甚至要向供應商爭取好價，務求做出良好的銷售業績，以免被淘汰。終極決戰玩大渠，在「真．現場直播」向廣大市民展示實力，爭取成爲最優秀推銷員！